視障人士雖然喺生活上有好多不便,但係佢哋透過學習、嘗試,一樣可以做到常人做到嘅嘢,仲要做得好好添!點字曲奇就係由視障人士創辦嘅社會企業,佢哋整嘅曲奇唔單止好好味,而且每塊餅都代表住一個英文字母,成盒餅就係一個充滿正能量、愛心嘅message。連藝人胡杏兒都好欣賞佢哋嘅理念,揀咗佢哋嘅曲奇做自己婚嫁回禮添。