成日都話女兒係爸爸前世嘅情人,可以陪伴女兒成長相信係好多爸爸嘅願望。但台灣有位患有肝癌嘅爸爸就無呢個機會,雖然無辦法見證女兒長大,但佢仍然喺生命最後一個月裡面,為女兒寫咗未來19年嘅生日卡,以另一種方式陪伴女兒。

呢位爸爸喺女兒只係得3個月大嘅時候,就因為肝臟生滿腫瘤而入院,雖然曾經換肝,但依然無法唔到病情惡化。而當女兒已經1歲零4個月大,爸爸就只剩返一個月生命,佢忍痛寫咗一封又一封嘅生日卡俾女兒,一直寫到女兒20歲。由於女兒仲太細個,爸爸寫俾佢嘅生日卡一直由媽媽珍藏,等女兒大個之後再交俾佢。媽媽從嚟未打開過生日卡,希望等女兒親自打開。

唔少網民被呢位爸爸深深打動,更有網民主動提出接力寫往後嘅生日卡,令媽媽感到人間有情,仲話今次係佢收過最暖心嘅關懷,萬分感謝大家!

圖:Bella Chu@fb,HOW01