創業其實唔需要好多錢,有橋就得?英國31歲女創業家 Alice Hall7年前留意到網購時裝大多售賣街頭時裝,但就缺少華麗嘅宴會、派對禮服,於是靈機一觸,開始喺網上銷售晚禮服裝,結果大受歡迎,創立自己嘅生意王國。

Alice當時以90英鎊(約886港元)買入6件衣服,仲邀請身邊嘅女性朋友做模特兒以節省成本。其後將啲衫放上eBay賣,好快就一掃而空,之後佢將賺到嘅錢入貨,不斷循環呢種模式。喺第一個月,Alice已經賺到近500萬港元,於是更順勢成立個人網購品牌「Pink Boutique」。

Pink Boutique」依家有近70個員工,平台上仲加設多種類產品,除咗晚裝外,仲有日常服裝、手袋、鞋類、首飾等,每天交易量高達2000多件貨品,每年生意額有2500萬英鎊(約2.5億港元)。Alice經營網上生意咁成功,唔好以為佢喺讀商科出身,其實佢喺大學時修讀新聞學,最初對營商並唔了解,全靠不斷自學,好似睇YouTube教學、買行銷書籍等方法增值,最終創立出佢嘅服裝王國。

facebook@pinkboutiquestore