海洋塑膠問題嚴重,導致唔少海洋生物誤食塑膠,甚至連命都無埋。美國有自然保育中心解剖了一隻小海龜屍體,體內驚現104塊塑膠碎片!保育中心認為小海龜嘅死因喺誤食塑膠碎片導致營養不良身亡。

負責解剖嘅中心職員話,小海龜初到中心時已經相當虛弱,過咗一陣就死亡,之後解剖員喺小海龜嘅消化道搵到104塊大大小小唔同顏色嘅塑膠碎片,令人心酸。對小海龜嚟講,微塑膠睇落好似食物,而吞食塑膠後會產生飽足感,因此唔會再食,導致營養不良。

位於美國佛羅里達州嘅「Gumbo Limbo自然中心」,每年治療大量被沖刷回岸邊嘅孱弱小海龜。嚟到中心嘅海龜,會被餵食少量液體以補充水份,希望令牠們自然排出膠粒,恢復胃口。不過,仍有好多海龜救唔返,而每一隻死亡嘅海龜消化道入面,都會搵到塑膠碎片。要拯救小海龜等海洋動物、等佢哋遠離塑膠侵害,大家最好做到源頭減塑,喺日常生活中減少用即棄塑膠,齊齊出一分力,救救小海龜!

facebook@Gumbo Limbo Nature Center