喺互聯網嘅世界,無嘢喺無可能嘅。18歲嘅哈佛大學新生Crystal Wang早喺15年前已經去過哈佛參觀,當年3歲嘅佢同大學警衛影咗張合照。多年之後,Crystal今年順利入讀哈佛,決定喺網上公開尋找當年相中嘅警衛,仲傳嚟好消息添!

Crystal將張合照放上instagram公開尋人,咁啱俾哈佛校報嘅記者見到,相中人喺內警衛Charles Marren,仲幫手聯絡對方。其後,Crystal同警衛Charles15年後,相約响同一個地點相見,Crysal由當年3歲小女生長大到今時今日18歲嘅少女;而Charles嘅外貌就無乜點變過,不過變得更大隻。二人之後仲交換咗電話,方便日後聯絡。

其實Charles本身喺美國退役海軍,喺哈佛任職警衛19年,非常有名,他仲話自己比哈佛內嘅銅像仲受歡迎,成日同唔同人合照呢。

圖:instagram@ Harvard