為咗保護海豚鯨魚權益,知名旅遊平台TripAdvisor宣布將會暫停售賣涉及人工繁殖、飼養鯨魚和海豚等海洋生物嘅主題樂園門票,當中包括美國海洋主題樂園SeaWorld,而相關措施將於今年底生效。

TripAdvisor指出,海豚、鯨魚喺圈養環境中唔會繁衍,佢哋希望動物可以喺野外自然環境生活,而唔喺訓練佢地做表演同埋與客人作互動。TripAdvisor發言人同時希望相關主題樂園公開承諾停止繁殖及進口鯨豚類動物。

動物權益組織、環保專家都支持TripAdvisor嘅決定,而世界動物保護組織負責人Nick Stewart話:「佢哋行動向其他旅遊公司傳達咗一個明確嘅信息,即我哋必須一勞永逸咁終止呢嗰殘酷嘅行業。」

但另一方面,美國海洋主題樂園SeaWorld坦言對決定感到失望。SeaWorld首席動物學學家Chris Dold博士指出,TripAdvisor嘅決定無視咗動物園、水族館嘅教育價值同保護使命,並強調SeaWorld會繼續擔任教育、動物保護嘅工作。

:TripAdvisor,SeaWorld