扶手電梯搭得多,唔知大家有無留意到電梯兩邊都有排刷毛呢?又有無人試過用呢啲毛嚟擦鞋呢?原嚟呢兩排刷毛係有特別功能㗎,仲要係兩個保命功能添。

 加拿大嘅電梯工程師解釋話,扶手電梯嘅刷毛係用嚟防止乘客太過靠近電梯側邊嘅空隙。當凸出嘅刷毛掂到人體嘅時候,人會因有刺癢嘅感覺而縮開,從而防止鞋、鞋帶、長裙等被捲入電梯而發生意外。另一個美國嘅物理學家指出,扶手電梯嘅刷毛有減少靜電嘅作用,類似汽車、飛機需要排出累積嘅靜電嘅原理,扶手電梯亦需要透過刷毛排出靜電。

圖:Business Standard,indiamart.com