考試肥佬又如何?肯努力最後都會成功嘅!馬來西亞一名法律系學生Rafiq Izzat,經歷過18次學科考試肥佬,仲差啲被大學勸退學,但Rafiq依然無放棄,決心要考到合格為止,最後成功考獲文憑,順利從大學法律學系畢業。

25歲嘅Rafiq2013年考入馬來西亞莎阿南的瑪拉工藝大學,主修法律學,但喺第一個學期就有4科唔合格。佢話初讀大學,一時適應唔到新環境,以至無法專心學習。但由於太多學科唔合格,Rafiq延長咗3個學期,最後用咗11個學期先完成整個學位嘅修讀要求。

Rafiq讀到大四嗰時,識落嘅同學都畢曬業,開始投身法律界做嘢,但佢仲讀緊書。而Rafiq身邊嘅親朋戚友成日問佢幾時畢業,又話佢話咗好耐大學,令佢無形中受到好大壓力,仲一度諗住輕生。好彩最後諗通咗,明白到輕生解決唔到問題。喺今年初,順利畢業嘅Rafiq終於投身律師做實習生,踏入人生新里程。

minews