為咗提高大眾回收膠樽嘅動力,意大利羅馬推出膠樽換車飛嘅計劃,只需將飲用後嘅膠樽放到地鐵車站內指定回收器,就可以免費換取車票。相關計劃由今年7月推行到依家,得到廣大市民嘅支持,仲成功回收咗35萬個膠樽,勁呀!

羅馬目前有 3 個車站設有回收器,機器每日可回收 2 萬個膠樽,乘客平均每次會帶 15-20 個膠樽進行一次過回收。只需於手機先下載與回收機相連嘅 appapp 就會自動計算膠樽數目,以及顯示可換領免費車票嘅數量。一張 100 分鐘車程內嘅地鐵車票只需回收 30 個膠樽就可以換到,而有關車票可直接透過 app 使用,無需再換實體票,認真方便。大家若果會到羅馬旅行,不妨試吓用呢嗰方法換免費車票喇~

圖:trtworld, dailysabah