日本和歌山動物園近日有一隻企鵝寶寶出世,但為咗避免企鵝寶寶俾企鵝父母壓親,動物園暫以人手養企鵝寶寶,等小企鵝大個之後先送返去父母身邊。不過園方驚企鵝寶寶認錯飼養員做父母,所以餵食嗰時特登戴上動物頭套扮企鵝,期間都會播企鵝父母嘅叫聲,等小企鵝熟習。唔少網民大讚飼養員相當貼心,仲希望企鵝寶寶可以好好成長添。

小企鵝喺101日出生,初生企鵝體形細小,園方擔心重40kg嘅企鵝父母會壓傷寶寶,所以決定以人工方式將企鵝寶寶養大少少,去到500g體重先再交返俾企鵝父母。

過往動物園一直以人工方式養初生企鵝,企鵝大個之後當咗人類喺父母,所以唔會覓偶及繁殖後代。為避免相同情況出現,所以特別安排飼養員假扮企鵝,等小企鵝唔好認錯人。

Twitter@aws_official