全球暖化問題日漸嚴重,香港踏入初秋依然熱辣辣,著短衫短褲一樣無問題。為對抗氣候變化,唔少科學家研究減緩全球暖化嘅方法,近日有專家喺自然界發現緩解氣候危機嘅好幫手,估佢唔到嘅係,幫到手嘅居然係鯨魚?

近日國際貨幣基金組織助理總監 Ralph Chami聯同多位專家、學者撰文,指出一條鯨魚喺捕碳量方面能夠抵得上幾千棵樹。原來,體形大嘅鯨魚可以從大氣中捕獲大量二氧化碳,並將其儲存喺體内。呢一點同樹木一樣,但一棵樹每年只可以吸收 48 磅二氧化碳,而一條鯨魚就能保存 33 噸二氧化碳。換句話講,一條鯨魚已經抵得上幾千棵樹。

其次,鯨魚嘅排泄物含有各種浮游植物生存所需嘅物質,所以鯨魚嘅所到之地會令浮游植物嘅數量倍增。數以億計嘅浮游植物能捕獲 370 億公噸嘅二氧化碳,當中嘅捕碳量足足相當於 4 個亞馬遜森林。

咁樣睇嚟,鯨魚喺天然而且有效應對氣候危機嘅方法。若果能夠加強保護鯨魚免受人類過度捕捉,可以令捕碳量提高,從而減緩全球暖化。

International Monetary Fund