隨住社會急速發展,大眾生活質素提升,唔少地方都有食物過剩嘅問題,據聯合國糧食及農業組織統計,人類每年丟棄嘅糧食多達13億噸。澳洲女子Ronni Kahn為咗拯救呢啲被浪費嘅食物,2004年開始收集即將過期嘅糧食,分俾慈善機構。近年佢更開設「剩食便利店」,拯救更多食物。

其實好多被丟棄嘅食物其實仲食得,只不過因為包裝破損、賣相唔靚等原因被棄置。有見及此,Ronni創辦拯救食物嘅組織「OzHarvest」,專門收集未過食用限期嘅剩食分俾慈善機構。2017年,Ronni開辦「剩食便利店」,提倡「Take What You Need, Give If You Can」,等消費者自行為便利店內嘅剩食定價。Ronni話佢嘅目標係希望去到2023年,食物浪費可以減至50%。專門拯救剩食嘅佢,話自己已經以「失業」為目標,希望藉此教育大眾唔好輕易浪費食物。

圖:ozharvest