經濟差嘅時候有難同當並唔出奇,但响經濟好嘅時候有福同享,又有無可能呢?喺有㗎!喺美國一間信用卡支付服務公司Gravity Payments,老闆之一嘅Dan Price2015年時毅然自行減薪93%,目的係令全公司嘅員工年薪都可以有至少70,000美元(約55萬港元),因此有「70,000CEO」之稱。

喺咩原因驅使Dan咁做呢?網傳有三個原因。第一個話法喺Dan2010年睇到普林斯頓大學一項研究,研究指一個人收入要高於70,000美元,先會有成功嘅感受;亦有指他喺2015年讀過一本有關幸福嘅書,書話收入會影響一個人嘅情緒健康,因而得到啟發;仲有一個講法,喺2011年,他見到有員工唔開心,於是同對方傾計,嗰名員工話自己嘅薪金喺「被剝削」,年薪只有 35,000 美元。咁樣令Dan反思低薪抵抗經濟蕭條嘅做法究竟有無效,最後加員工薪金到至少70,000美金。

2016年,Dan收購咗另一間公司,當中40名員工過檔,Dan將佢哋嘅最低年薪由24,000萬增加至40,000萬美元。而喺今年仲再將全體員工嘅年薪加至70,000美元,同員工分甘同味。

圖:twitter@DanPriceSeattle