平時飲完啲紙包飲品,大家都就咁掉咗佢,但依家有得回收喇~本港環保團體最近推出「紙盒飲品回收箱」,收集用完嘅紙包飲品盒,用嚟回收變成再造紙同鋁塑夾。

大家喺回收時要注意,紙包飲品盒分牛奶盒同鋁箔盒兩種,佢哋材質同成分都唔同,所以要分開回收。各位參與回收活動時都留意,同埋跟足回收程序四步曲︰走膠、剪開、清洗、按平。記得做齊曬先好回收呀!

回收返嚟嘅紙包飲品盒會運到泰國循環再造,先抽取紙成分,製成再造紙,剩低嘅嘅膠同鋁會經高壓處理,製成夾板。當地嘅回收廠會同慈善團體合作,將循環再做嘅夾板送俾有需要人士,成為屋頂建材。

facebook@DrinkCarton