水係人類嘅生命之源,同時亦係維持各種動植物生命嘅必要資源。但隨住人類活動增加,唔少地方嘅水資源嚴重短缺,就好似非洲嘅恩加米湖咁,正喺度慢慢枯竭,令成千上萬嘅野生動物要喺沼澤裡面掙扎求存!

最近有攝影師影到一段令人非常心痛嘅片段,片段裡面係非洲嘅恩加米湖,湖水接近乾涸,變成一片泥濘。有成千上萬隻野生動物包括河馬﹑馬等嘗試踏入湖中,希望穿過河床尋找生路,但由於水分蒸發,令恩加米湖嘅泥慢慢變乾,啲動物只能夠被困湖中,苦苦掙扎,場面令人心酸。呢位攝影師表示湖中嘅氣味令人難以呼吸,而親眼睇到動物垂死掙扎嘅表情更加令佢覺得難受。

圖:mediadrum@martinharvey