聽見亂太郎、小丸、新丁呢三個名,相信即刻勾起唔少人嘅童年回憶。不過呢套陪著唔少人成長嘅動畫,即將要停止連載!由於現年61 歲嘅作者尼子騷兵衛身體欠佳,體力上無法支持佢繼續長時間工作,所以決喺今年1130日出埋最後一集,完結長達33年嘅連載。

《忍者亂太郎》自1986年開始連載,一直以來都深受讀者歡迎,仲曾經多次改編為動畫及電視遊戲。作者於今年1月腦中風,令漫畫連載要延期。而喺病後,作者身體狀況都唔理想,所以最後決定中止連載。

官方表示尊重作者嘅決定,而為咗紀念最後一期,該冊仲會附贈32頁特裝版小冊子,當中會收錄配音員專訪、幕後花絮及背後設定資料等內容。雖然《忍者亂太郎》即將中止連載,但作者會喺2020年開始每月一次嘅新作品連載,所以大家仲有機會睇到作者嘅畫工架!

lclwline