曾經獲得奧斯卡最佳紀錄片嘅《海豚灣》,相觀眾呈現日本太地町獵殺海豚嘅殘忍場面。今年9月,太地町再展開持續半年嘅捕豚季,漁民以兇殘方式捕豚,殺死取肉或活捉販賣。近日有環保團體將日本漁民捕豚過程拍攝上載網站,片段可見海豚喺被獵殺前,絕望地相聚一齊,似乎在互相道別,感覺絕望。

環保團體海豚計劃(The Dolphin Project)片段顯示,喺漁民落手前,一群海豚聚埋一齊,感覺似喺被殺前大家相互見最後一面,望落非常心痛。太地町嘅捕豚方式一直以來備受爭議,因為漁民獵捕方法極為殘忍。佢哋喺首先將海豚趕進海灣,再喺淺水區域以刀刺死海豚取肉,或者捉起活海豚,導致海豚可能經歷長達 30 分鐘折磨才窒息或溺死。

不過近年受輿論影響,唔少買家唔再太地町收購鯨豚,而鯨豚肉亦因時常檢驗出水銀污染,令市場需求大幅衰退。小編希望當地盡快停止同類行為,俾班海豚逃出生天。

vimeo