夏天熱辣辣,更攞命嘅係蚊蟲滋生帶嚟登革熱等傳染病.想有效防蟲,除咗要做好日常清潔工作,仲要識得有效殺蚊蟲。台灣衛生福利部疾病管制署近日就開咗記者會,公開一個簡易嘅滅蟲神器製作方法,教大家點樣利用低成本嚟製作出高效嘅滅蟲神器。

唔少人為咗滅蚊會喺屋企裝個滅蚊燈,但原嚟只需要2隻膠杯、膠花盆、紗網、清水同黏蟲紙,就可以整到一個簡單嘅滅蟲神器!方法好簡單,首先將其中一個膠杯量度剩7cm,切成一半,保留上半段。然後將黏蟲紙同紗網剪出21×6 cm大細,再用切好嘅膠杯上半部倒轉,喺切口位鋪上紗網,同另一個完整嘅膠杯交疊。擺返正之後,沿住杯壁慢慢倒入清水,水位同紗網一樣高。跟住撕開黏蟲紙,圍成圓圈平鋪喺杯壁,最後將膠花盆倒轉蓋住膠杯,咁就搞掂喇!等到蚊蟲落入陷阱,被黏蟲紙黐住,咁屋企就可以輕鬆殺死蚊蟲。

圖:YouTube@衛生福利部疾病管制署