求婚手法永遠都喺層出不窮,好似呢位英國男子Edi Okoro咁,佢早排諗住向女朋友求婚,但唔知幾時先喺合適時機,所以一直帶住求婚戒指喺身邊。Edi仲成日偷偷哋拎出同女友合照,但女朋友過咗成個月竟然都未知。好彩Edi最後都揾到好時機,成功求婚。

30歲嘅Edi Okoro28歲嘅女朋友Cally Read拍拖後一直十分恩愛,Edi早前買咗隻鑽石戒指,打算喺適合時間同Cally求婚。可惜等咗成個月,Edi都揾唔到適合嘅機會。當佢拎住戒指坐喺梳化上諗緊應該做好嗰時, Cally突然出現,仲差啲發現隻戒指。呢嗰舉動啟發咗Edi進行「挑戰」,就喺揾機會令Cally同戒指「被合照」,睇吓女方幾時先發現。

Edi打算喺發現戒指嗰日求婚,但估唔到Cally異常大懵,用咗一個月都發覺唔到,最後挑戰以失敗告終。不過求婚最緊要有心,Edi最終揾到合適時機同Cally求婚,成功抱得美人歸。

圖:Facebook@ EdiOkoro