相信大家對呢粒咖啡膠囊唔會陌生,但大家有無諗過,呢粒膠囊除咗用嚟裝咖啡之外,仲有咩用呢?答案喺成為製作單車嘅材料!

呢粒膠囊為咗令咖啡粉唔受濕度、光線、空氣影響,所以用咗唔透光嘅鋁材、塑膠混合整成,但亦都因為咁,經常被環保人士抨擊,指摘膠囊對環境造成傷害。有見及此,相關公司決定承擔社會責任,利用回收膠囊再造單車。單車嘅支架同響鈴部分用咗回收膠囊製作,雖然喺用回收物料整成,但外型相當時尚,而且色彩仲好繽粉。

除咗單車之外,呢啲膠囊可以搖身一變,成為筷子托同筷子,相當環保。以後大家飲完膠囊咖啡,唔好隨手掉咗佢,拎去回收,等膠囊有第二生命,亦為環保出一分力。

圖:gearpatrol, pixa