現代都市人為咗搵兩餐,有時輪更、返夜在所難免,但如果大家經常捱夜、日夜顛倒就要留意喇,因為身體分分鐘會頂唔順而爆發!泰國有個靚女Kerdmee就係因為連續3個月返夜,收工又失眠,疲勞過度之下令佢全身生滿紅疹、水泡,仲發高燒添,真係睇見啲相都怕怕!

Kerdmee平時返工都要輪班,咁啱近排返夜,經常做到凌晨3點,收工仲要失眠,積積埋埋有日全身突然生晒紅疹。Kerdmee起初以為係被蟲咬,去睇完醫生都無好轉,反而更加嚴重,出現發燒、出水泡等症狀。Kerdmee再去就診先知原嚟係佢休息太少,再加上平日少運動,令身體免疫系統失調所致。Kerdmee經歷過今次患病之後,特登發文提醒親友「不要讓拼命工作所賺的錢,成了在醫院裡治療的費用」,更呼籲大家一旦察覺身體有異樣就要即刻求醫。咁又係嘅,病向淺中醫吖嘛。

圖:FB@ToqTaeq Kerdmee