香港有唔少有心人都登記咗器官捐贈,想喺離開人世之後為有需要嘅人盡一分力。美國有個10歲嘅小朋友早前因車禍不幸過身,佢嘅屋企人決定延續小朋友助人為樂嘅精神,將小朋友嘅器官捐出,足足拯救咗81個人,令其他人嘅生命得以延續。

呢個10歲嘅女仔沙拉薩早前喺放學之後,同媽媽去買雪糕,途中不幸遭遇車禍,最後薩搶救不治逝世。沙拉薩屋企人為咗令沙拉薩嘅愛得以延續,於是捐出沙拉薩嘅器官。而為咗紀念沙拉薩嘅善行,當地兒童醫院嘅幾十個醫護人員列隊向佢致敬,送別呢位遺愛人間嘅小天使。

圖:ValleyChildrens@YouTube