YouTuber係近年新興嘅職業,一啲做得出色嘅YouTuber唔單止有數量龐大嘅fans,仲有不容忽視嘅吸金能力,令到唔少年輕人都想做網紅。英國有對父母亦睇好做YouTuber嘅「錢」景,於是以年薪3.9萬英鎊(約37.4萬港元)招聘兼職保姆,培訓佢哋嘅囡囡成為網紅。

呢對父母嘅囡囡本身已經有個YouTube 頻道,成日上載自己化妝同唱歌嘅片,但父母覺得效果唔多好,認為囡囡响拍片方面須要改進,所以上網登廣告,請保姆教導囡囡。可能大家會懷疑,呢對父母係咪落錯廣告呀?請個保姆教拍片?當然無咁簡單喇~想袋30幾萬人工,呢位保姆須要有個成功、受歡迎嘅社交媒體帳戶,或者識得製作優秀嘅數碼作品,合適人選平時除咗照顧女童之外,仲要教女童拍片,協助其成為出色嘅YouTuber,而每星期工作30個鐘。係咪筍工?真係見仁見智喇~

圖:網絡圖片