肥嘟嘟嘅企鵝畀人得意乖巧嘅印象,但其實唔係隻隻企鵝都係咁,有啲居然曳到飛起?新西蘭國立水族館有個「每月企鵝」活動,每個月都會從館內嘅企鵝中選出一隻最乖同最曳嘅,仲會將企鵝嘅相同被選原因貼上告示牌,向訪客展示。

企鵝能夠被評為最乖,大多都係因為聽教聽話,例如自動自覺進食同磅重,總之令飼養員少操心就有機會中選。至於最曳企鵝「上榜」原因就包羅萬有,好似企圖掹走男訪客嘅腳毛、攻擊飼養員、偷其他同伴嘅食物、游水次數不足等。而講到「曳中至曳」嘅,非一隻叫Flip嘅企鵝莫屬,佢曾經撇低男朋友同自己個BB足足一星期!嘩,咁「無品」嘅事都做得出,抵你「上榜」呀!

圖:Facebook@National Aquarium of New Zealand