最近「地球之肺」亞馬遜森林發生大火,所引發嘅生態危機引起大眾關注,包括奧斯卡影帝里安納度‧狄卡比奧。一向熱心環保嘅佢除咗响社交媒體出post,呼籲大家關心災情之外,亦捐款500萬美元(約4000萬港元),透過自己有份創辦嘅環保組織「Earth Alliance」設立緊急基金,用於保護亞馬遜森林生態。

亞馬遜森林大火發生至今約3星期,災情仲未平息,平均每分鐘有1.5個足球場咁大嘅林區被大火吞噬,里安納度對於咁大件事並無得到廣泛報道感到質疑。里安納度讚揚參與救災嘅消防員都係英雄,指佢哋付出血汗保護森林,但人工唔多,所以大家應該向呢班英雄鞠躬致敬。

圖:Facebook@LeonardoDiCaprio、Instagram@leonardodicaprio