响香港,我哋成日都見到導盲犬作為視障人士嘅「第二對眼」,協助出行,而响美國等地,有視障人士就係以迷你馬協助出行。為令導盲馬可以陪伴視障人士搭飛機,近日美國運輸部公布新指引,允許包括導盲馬在內嘅「服務性動物」跟隨主人登機,方便佢哋出行。

「服務性動物」係指接受過專業訓練,負責輔助殘障人士活動嘅動物。此外,指引亦允許「感情支持動物」,即用嚟安撫焦慮者情緒嘅動物。航空公司唔可以拒絕乘客帶呢兩類動物上機,否則會被罰款。根據資料,導盲馬有性格溫純、學習效率高、專注力強、視角範圍大等優點,仲可以幫行動不便人士保持平衡,通常可以陪伴主人35年以上。

圖:Twitter@etienneshrdlu