做錯就要認,早前有個新加坡女大學生去台北旅行,期間响酒吧偷走其他客人9000蚊台幣(約2200港元),當場斷正。不過起初佢死口唔認罪,最尾令佢乖乖認罪、將錢還返畀事主嘅原因,居然係趕住返新加坡開學?偷錢固然唔啱,不過佢心入面記得要返學讀書,所以檢察部門相信佢唔會再犯,最終無落charge。

呢個學生嘅偷錢過程被酒吧閉路電視影低曬,但佢被帶到警局嗰陣依然拒絕認罪,於是檢察部門限制佢出境,而個學生知道後竟然即刻轉軚。點解?原來新加坡學校係响7、8月間開學,個學生驚自己趕唔切返去上堂,於是為自己做過嘅嘢負責,承認罪行,希望件事盡快了結。負責嘅檢察官相信個學生已經受到教訓,於是畀佢一個改過自新嘅機會,可以返新加坡開學。

圖:網絡圖片