大象體型龐大,力大無窮咁款,但大家有無諗過,咁霸氣嘅大象面對人類虐待嗰陣其實都係毫無抵抗之力?動物保護組織Save Elephant Foundation發現早前斯里蘭卡一場佛教慶典上,有大象被迫長時間遊行,望落去身體虛弱,仲瘦到皮包骨,認真慘情!

組織表示,有60隻大象被迫為慶典工作,其中一隻叫Tikiiri嘅70歲雌性大象更要連續10日由傍晚一直遊行到深夜。遊行路程有成幾公里,Tikiiri拖住疲倦、虛弱嘅身軀前進,途中要忍受無數強光照射同噪音等,不堪受苦嘅Tikiiri默默流淚。之後組織响網上貼文,指大象响慶典受到打擾同傷害,並嚴厲批評呢種虐待行為。一眾網友睇完後,亦紛紛留言表達不滿,仲呼籲大家抵制呢啲虐待大象嘅活動,希望大象唔使再受苦。

圖:Facebook@Save Elephant Foundation