早排超強颱風利奇馬登陸浙江,搞到臨海市被洪水侵襲,內地警方甚至要徵用衝鋒舟嚟疏散群眾。前皮划艇世界冠軍、國際水域救援IRIA亞洲首位R4女教官許亞萍得知臨海災情之後,佢即刻聯絡各方好友組成救援小組前往當地救援,網民大讚許亞萍係「學以致用的最高境界」。

 由於事出突然,臨海當地雖然都有救援團隊,但許亞萍話寧願白行一趟都好過錯過任何一處。由於當時消息比較混亂,救援團隊亦缺乏經驗,所以許亞萍去到當地亦要面對唔少困難,例如要避開水上各種漂浮物,又要留意觸電風險,仲要同陌生嘅團隊合作。

 許亞萍喺救援之後就默默離開,並無聲張,但依然被眼利嘅網民發現,仲大讚佢學以致用。而許亞萍只係謙虛回應:「水上運動是我的強項,救援是我的專業,臨海救災正好用得上我。」

圖:網上圖片