朝朝見到阿拉丁、海綿寶寶、白雪公主、唐老鴨等等唔同卡通主角已經夠吸引,佢哋仲可以放入口食的添?澳洲有位媽媽為咗吸引仔仔去食唔同種類嘅食物,煮飯嗰陣特登將各種食材砌成各式各樣嘅卡通角色,唔單止外形神似,仲非常有諗頭!

呢位媽媽有次將pancake砌成仔仔鍾意嘅獅子卡通角色,點知仔仔勁開心,從此愛上卡通角色賣相食物。媽媽亦好「廿四孝」,開始煮每餐飯都將食物「卡通化」,整成胡迪、米奇老鼠、米妮等,當中食材配搭亦注重健康,例如會用西蘭花、藍莓等蔬果做角色嘅頭部,眼睛會用蛋白整,肉醬當做衫同配飾,既好睇又有營養。

呢位媽媽並無「自私整」,佢响網上分享食譜,仲拍片教人點樣製作卡通食物,希望其他家長都可以為仔女準備得意又健康嘅餸菜。好多網友睇完之後都大讚呢位媽媽有創意兼好手藝,仲話啲食物靚到唔捨得食!

圖:Instagram@jacobs_food_diaries