好多人都想長命百歲,而要達成呢個願望,健康嘅生活習慣自然唔少得。美國107歲嘅Louise Signore婆婆同大家分享一個與眾不同嘅長壽秘訣──單身,加上婆婆本身仲好鍾意做運動,所以佢咁大年紀身體依然好健康,行路唔使拐杖同輪椅,十分精靈。

婆婆於1912年出世,日前舉行咗107歲生日會,佢好精神咁同約100位親友分享喜悅。婆婆話自己後生嗰陣好鍾意跳舞,依家都有keep住跳,亦有玩草地滾球、Bingo遊戲,而平時就鍾意歎意大利美食。

唔講唔知,婆婆之前患咗肺炎,最近先好返。不過呢件事對婆婆身體無大影響,佢仲大爆自己嘅長壽秘密就係保持單身唔結婚,連佢姐姐都希望自己無結過婚咁話~咦!咁小編身邊咪有好多長壽嘅朋友?XDD

圖:Facebook@Gina Bullard