「無論順境逆境,富有或貧窮,健康或疾病,我將永遠愛你。」結婚時唔少夫婦都講過呢段誓詞,究竟有又有幾多人做到?有一位婆婆對患腦退化症嘅丈夫不離不棄,令人感動。日本有網友將呢段感人故事製成動畫,响社交媒體開心share。段自製動畫利用紙同鉛筆整咗個捲軸裝置,而鉛筆捲住好似菲林咁嘅畫卷,卷中畫有一格格圖畫,只要捲動鉛筆,每格圖畫就隨之移動變動畫,非常之有心思。

網友製作嘅動畫叫《花火の光》,講述婆婆對患腦退化症嘅丈夫無微不至咁照顧,之後婆婆被勾起兩夫妻後生嗰陣睇煙花嘅甜蜜回憶。雖然故事情節簡單,但網友畫功細緻,呈現動畫嗰陣流暢無dead air,令其他網友睇到眼濕濕,仲大讚作者好勁!

創作動畫嘅網友亦分享咗成個製作過程,原來唔夠一分鐘嘅動畫,都要畫好多格圖畫,而且每格都要畫得好仔細,功夫一啲都唔少!大家真係要畀個like作者呀XD

圖:Instagram@shin.2580、Twitter@しんらしんげ shinrashinge