唔少人投身醫護行業做護士,係為咗幫助他人,咁創業係為咗啲咩?對於嚟自美國嘅護士Amber Runyon嚟講,毅然放棄護士穩定嘅收入,創立蠟燭品牌,並唔喺為賺大錢,而喺為被販賣出國嘅女性提供工作機會,幫助佢地脫貧,可以話佢創業嘅目的,同樣都係為幫助他人。

點解Amber會突然由一個護士,搖身一變成為創業家? 原來Amber做護士時,曾調派到埃塞俄比亞工作,當時佢見到街上有少女被人帶走,而當地翻譯話好可能喺涉及人口販賣。呢件事令Amber開始關注人口販賣議題,仲了解到背後原因好多時喺因為貧窮,就喺咁Amber立心創業,踏出改變當地女性命運嘅步伐。

其後Amber辭去護士工作,全情投入創業。為咗令業務更快上軌道,Amber每日花超過16小時製作蠟燭,仲長達18個月無糧出俾自己,只喺靠變賣幫補家計。佢嘅努力並無白費,喺兩年後,業務開始上軌道。而喺依家,佢請咗15名女性員工,大部分員工都曾經差啲被販賣出國,依家有份穩定工作,絕對係得到「重生」嘅機會。

圖:seekthejoypodcast