一次自殺不逐嘅經歷,改變咗美國男子Kevin Hines嘅人生,亦成為佢創立防止自殺基金會嘅契機。來自美國嘅Kevin長期受抑鬱症及躁鬱症困擾,令佢對人生失去希望,最後居然選擇最負面嘅方法——於三藩市金門大橋跳橋求死。不過多得一隻海獅,令Kevin死過翻生,並反思自己嘅人生。

當時Kevin急墜落入水面,身體有兩塊椎骨碎裂,跟住發現有動物游埋身,Kevin初初仲以為係鯊魚,點知原來係救佢一命嘅海獅。海獅游近Kevin同將佢頂出水面,免得Kevin缺氧。多得隻海獅相助,唔單止救返Kevin一命,仲拯救埋佢嗰心靈。佢嘅人生開始有目標,就喺想救返同佢一樣嘅人,之後仲投入防止自殺的工作,了解心靈健康及預防他人自殺。

依家Kevin最大嘅目標喺想於金門大橋上設立一張網,拯救啲一時諗唔開嘅人。Kevin希望呢嗰世界多啲温暖,當見到其他人受苦時,不妨上前俾啲温暖對方,可能因為你一句話,令他人諗法得到改變,改變一條生命。

圖: tamuc