飲牛奶飲得多,有無諗過牛奶其實可以用嚟整衫?美國服裝品牌Mi Terro推出咗一款原料包括牛奶在內嘅T-shirt,話具備抗菌、柔軟等特性,長時間著住都唔會臭崩崩添,係真唔係呀?

根據美國農業部統計,2016年全美有超過1.6億升牛奶被丟棄,認真大嘥!有見及此,Mi Terro諗到用廢棄牛奶去整T-shirt,一嚟為咗物盡其用,二嚟睇中用牛奶製造嘅纖維含有20種有益氨基酸,可以令到用呢啲纖維製成嘅T-shirt抗菌防臭,柔軟度仲比一般棉質tee高3倍。牛奶tee亦加入一種用山毛櫸樹整嘅環保纖維,令件衫延伸度提高,著住做運動都唔會覺得繃緊,同時又夠透氣。有諗法又夠環保,果然夠心思~

圖:Mi Terro、Kickstarter、Emojipedia