成日都話long D嘅感情好難維持,但嚟自日本嘅石井爺爺同嚟自台灣嘅王爺爺就做到喇!兩位年過70歲嘅爺爺仲約定每年喺台灣萬里圖書館相聚,一齊睇書、飲咖啡,友誼足足持續咗6年,非常sweet~

石井爺爺6年前去台灣浸溫泉嘅時候識咗王爺爺,兩人都鍾意旅行同睇書,一見如故,於是互相留低聯絡方式,建立起一段long D友誼。王爺爺係萬里圖書館嘅忠實讀者,石井爺爺每年嚟台灣都住喺王爺爺屋企,而王爺爺亦都會帶老友一齊去圖書館睇書、傾偈,兩位老人家簡直fd到令圖書館職員羡慕。

石井爺爺話可以喺旅行途中識到好朋友非常開心,圖書館嘅職員又好親切、好有人情味。石井爺爺又話今年10月仲要嚟台灣,將自己珍藏嘅書捐俾圖書館,同台灣嘅朋友分享。

圖:新北市立圖書館