好多主人見到寵物病咗都會勁擔心,會諗盡方法去畀寵物最好嘅照顧。韓國時尚設計師Henry Kim養咗20幾條金魚,佢發現其中一條因為有病而無法正常游水,於是發揮小宇宙,幫寵物條金魚特製一部「輪椅」,等金魚可以游返水,生存多近半年。

條金魚患嘅病叫失鰾症(Swim Bladder Disorder),即係金魚因為魚鰾有問題,導致游水嗰陣身體平衡唔到,出現歪斜或背部向下、腹部向上情況,甚至會沉落水底,有苦自己知。雖然呢種病目前無得醫,但Henry並未放棄自己嘅心肝寶貝,佢用膠管整咗個外形似聽診器嘅小裝置,再套落金魚度,等金魚保持平衡,可以浮游。Henry用呢個方法幫金魚延續多5個幾月生命,履行咗主人照顧寵物一生一世嘅承諾。

圖:Caters