《哈利波特》小說自推出以嚟人氣歷久不衰,經改編嘅電影同舞台劇亦大受歡迎。依家各位哈利迷又有福喇,因為英國電視節目製作公司Twenty Twenty Television將《哈利波特》故事改編成網上電視劇,並展開全球選角!

呢套電視劇名為《Sorted》,以霍格華茲魔法學校四大學院為背景,講述各學院內嘅人同事,每集主角都會唔同。製作公司為咗呢套劇全球公開招募演員,大家自問對住鏡頭唔會怯,都可以上網報名試鏡。填寫報名表嗰陣須要答一啲幾考想像力嘅問題,例如「你覺得自己响霍格華茲入面會屬於邊個學院?」、「進入學院後對每日嘅生活有啲咩影響?」等,大家記得諗清楚先好答。想「入讀」霍格華茲,可以click入呢個網址報名:https://www.twentytwenty.tv/casting/sorted_1291.aspx

圖:網絡圖片