夏日熱辣辣,歎返罐汽水的確好極~只不過一時大力得滯,整斷個罐汽水嘅拉環點算好?唔使驚,最近有台灣網友响網上share咗段片,示範點樣用一張A4紙就可以「無拉環開罐」!

首先將張A4紙不斷對摺再對摺,盡量摺到最細,摺到成嚿小紙塊咁。之後揸實紙塊對準罐上嘅開口位,用力係咁捽,利用冷縮熱脹原理,等摩擦產生嘅熱力令罐內氣體膨脹,繼而令罐口「自爆」,成個過程大概一分鐘。提提大家,捽開口位嗰陣要好小心,避免𠝹親手。另外,呢個方法只係適用於罐裝嘅碳酸飲品咋~

圖:vimeo@郭富城