人生旅途,從來都係由自己掌握,只要勇於面對缺陷,活出自己嘅天地一啲都唔難。西班牙一個叫Albert Casals嘅男仔下半身癱瘓,過去8年佢一直坐住輪椅,獨自遊歷75個國家,期間嘅見識分分鐘比唔少旅遊達人仲要多!

Albert五歲患上白血病,雖然經化療後病情穩定返,但副作用導致下半身癱瘓。佢並無因此意味消沉、收埋自己,反而受到圖書、遊戲中角色展開精彩旅程的內容啟發,開始向世界出發。Albert主要靠坐順風車遊走唔同國家,試過瞓公園、海灘、森林、各種交通工具等,响秘魯嗰陣就被人邀請去屋企住咗一個禮拜。一個人去旅行,乜都要靠自己,旅程中Albert學識咗點樣坐輪椅上樓梯、上車,同埋點樣修理輪椅,「坐輪椅對我嚟講好小事,好似戴咗副眼鏡咁,係我身體嘅一部分。」

環遊世界途中,Albert遇過颶風從身後吹走輪椅等危險時刻,但佢堅持繼續旅程,仲出書向大家介紹自己經歷,因為對佢嚟講,只要活著就可以去旅行。

圖:一條