50年前美國太空人岩士唐完成登月創舉,而最近「岩士唐」又計劃登陸月球……咪住先,又係岩士唐?其實呢個「岩士唐」係美國太空總署(NASA)資助研發嘅機械人,準備喺月球背面起座望遠鏡,佢可以由太空人用Xbox手掣操控。Xbox用嚟打機就話姐,連控制响月球嘅機械人都得?

原來NASA諗住响2024年派太空人去月球,再隔多四年之後更加會興建月面基地。不過喺月球表面動土絕對唔容易,無地心吸力又要擔心勞動力問題,機械人「岩士唐」嘅出現就幫到忙喇。當「岩士唐」加入A.I.之後,太空人就可以當玩緊電視遊戲咁,用Xbox操控「岩士唐」,逐步建成望遠鏡。小編忍唔住要問句,以後太空人訓練係咪要加埋Xbox打機練習?

圖:Gadgets360、UNTV News