以為日本嘅「忍者」只係會出現喺動漫?No no no!佢宜家變成一種職業喇。有「忍者發源地」之稱嘅日本三重縣伊賀市,每年舉辦嘅忍者節都會吸引大批遊客,當地政府更開出5.5萬港幣嘅高薪嚟吸引年輕人成為「忍者」。

當然,今時今日嘅忍者唔同以前,只係純粹嘅表演者。近年嚟唔少年輕人紛紛搬去大城市,令伊賀市嘅人口減少,所以當地政府先用高薪聘請忍者,利用忍者文化遺產去吸引遊客,帶動市內經濟。不過日本失業率低,加上要做忍者需具備相關體質、接受嚴格訓練,而要搵到適合忍者表演嘅免費場地又唔多,種種原因都阻礙咗忍者文化嘅發展同推廣。

圖:伊賀流忍者博物館,Shutterstock

#奇趣圈 #日本伊賀市 #忍者