玩瀡滑梯,喺短短幾秒間,一吓瀡落去感覺的確喺爽,所以無論喺大人或細路都咁中意玩。有位嚟自馬來西亞嘅樂園創辦人員,都同大家一樣咁中意玩瀡滑梯,仲嫌依家瀡滑梯瀡時間太短,唔夠過癮添,所以就興建咗條全長1公里、可以瀡足4分鐘嘅滑梯,等大家瀡足夠本!

呢條滑梯位於馬來西亞檳城逃生冒險樂園(Escape Theme Park),喺一條穿越森林嘅水滑梯。呢條滑梯雖然喺目前仲未起完,但已經打破健力士世界紀錄,比起2015年原紀錄、位於美國新澤西樂園嘅602公尺水滑梯,仲要長成500幾公尺。

馬來西亞條水滑梯除咗夠長之外,建立過程仲要夠綠。因為條滑梯係喺森林入面,相關公司唔想破壞森林生態,所以無用到起重機,而喺用鷹架安裝,以減低對環境影响。樂園將會喺八月正式同大家見面,如果去馬來西亞旅行,不妨拜會一吓呢個世界最長瀡滑梯喇!

escape.my