對部分巴絲打嚟講,執房係一項「超級工程」,每次都話「遲啲先執」,結果搞到間房變得又亂又污糟。早前韓國討論區instiz有個「最污糟房間大賽」,一眾網友貼出單人住房嘅相,睇吓邊間最污糟同最亂!

先講吓啲「細case」,呢類房雖然都擺滿垃圾,仲有化妝品、紙皮箱等雜物,連未飲完嘅嘢飲都有!但都算亂中有序,起碼有條路可以行吓。

跟住落嚟啲房嘅垃圾、雜物多到連條路都無埋,其中一間啲衫周圍擺,形成一座座「衫山」,相信主人平時「無掟企」,分分鐘要踩住啲衫出門口。

「冠軍」終於亮相喇!房已經唔係一間「房」,周圍都係膠樽、各類廢棄包裝、食剩嘅外賣等垃圾,已經「變身」垃圾崗,睇上去勁核突!

小編寫完之後唔敢hea執房喇,話曬間房係自己嘅,都係乾淨啲、整齊啲好~

圖:instiz、Emojipedia