相信睇過經典動畫《大力水手》嘅巴絲打,好多都曾經叫過阿媽餐餐煮菠菜,幻想食咗之後會好似主角Popeye咁變大力。帶畀我哋呢個有趣回憶嘅人係《大力水手》原作者、著名漫畫家莫迪洛(Guillermo Mordillo),可惜佢响啱啱過去嘅星期日喺西班牙逝世,終年86歲。

莫迪洛1932年响阿根廷出世,細細個就中意畫畫,到15歲更加靠呢項技能搵食。佢响畫畫方面既有天賦又有實力,1960年到美國派拉蒙電影公司創作《大力水手》,係佢咁多作品之中最為香港人熟悉嘅經典。佢一生獲獎無數,例如1967年國際雙年幽默插畫家銀牌獎、1970年波隆納國際書展兒童最佳選書等。

莫迪洛除咗係漫畫大師,亦係幽默大師。佢認為幽默係一種溫柔,能夠幫人克服恐懼。佢响包括《大力水手》在內嘅多部作品都展現自己嘅幽默同生活哲學,為大家嘅生活增添正能量。

圖:Facebook@Guillermo Mordillo official page、網絡圖片