眼見未為真!呢句話其實好啱,因為眼晴好易受到圖形顏色、線條、光暗而造成視覺誤差。最近日本富士野生動物園就想考考一眾網民眼力,喺官方twitter帳號放咗張斑馬相,叫大家估下相中有幾多隻斑馬?

照中有一堆斑馬,有啲企喺到,有啲趴喺到,密密麻麻嘅斑馬紋,睇到眼到暈埋。小編都試吓數有幾多隻斑馬,1隻、2隻、3隻‥‥‥媽呀!好亂呀!呢隻喺邊個嘅頭,呢部分又喺邊個嗰身呀?完全分唔到有幾多隻斑馬,嗚嗚。

富士野生動物園除咗同大家玩估斑馬數目遊戲外,仲分享咗嗰小知識,就係好多人話斑馬花紋有「偽裝」效果,攘亂掠食者,不過之前有研究證實,呢啲花紋其實係防止吸血昆蟲响斑馬身上寄生。不如咁多位Looop友都一齊玩吓,估吓圖中有幾多隻斑馬呀。

.

.

.

.

.

.

.

答案: 7 

圖:Twitter@fuji_safari1980