阿華田係香港經典飲品,夏天整返杯凍華田真係爽到爆~如果嫌齋飲有啲寡,唔緊要,一於上深圳搵食喇!近日連鎖飲品店喜茶推出一系列阿華田口味產品,包括波波冰、脆筒、麻糬包,實有一款啱你!

1. 波波冰

引爆味蕾多重享受:鮮奶沙冰以秘製阿華田脆脆醬做底,甜而不膩,香滑布甸配搭脆脆,口感勁正!28蚊人民幣(約32港元)就買到一杯~

2. 脆筒

香滑濃郁嘅雪糕加埋脆脆,口感即刻提升,配上脆口甜筒更係味覺享受!脆筒分標準版同mini版兩款,只會賣到下個月初,要食趁早。

3. 麻糬包(喜茶熱麥分店有售)

唔好見佢外形好似燶咗嘅菠蘿包咁款,其實佢內有乾坤:撕開麵包後濃郁嘅阿華田芝士醬爆漿而出,份量多到直頭要用飲管啜XD 連埋外層嘅可可酥脆粒一齊入口,齋諗就已經食指大動!

小編唔同大家講咁多!即刻約埋班friend去試先~

圖:微博@喜茶