做人如果無夢想,同條鹹魚有咩分別呀?既然有夢想,就要勇敢追夢!嚟自澳洲22歲少女Madeline Stuart,自幼夢想成為一位時裝模特兒,喺一位唐氏綜合患者嘅佢,外形同智力發展都受到影響,甚至要面對他人嘲笑。但佢無放棄做模特兒嘅夢想,憑住個人努力,最後踏上國際時裝天穚,一展所長。

為咗追夢,Madeline喺身、心方面都下咗唔少苦功。為咗有健康體態,佢揾咗健身教練幫手,仲參加游泳、舞蹈和啦啦隊課程,佢仲控制飲食,喺一年內減去44磅體重。喺心態方面,舞蹈班老師希望佢能增加信心,要求佢多啲對鏡練習,學識接納自己身體。

同一時間,Madeline媽媽仲幫囡囡揾咗唔同模特兒公司,成功獲得青睞,令Madeline有機會正式Catwalk訓練。2015年,Madeline登上國際時裝舞台,以及成為美國女裝品牌Manifesta代言人,喺2017年仲推出個人時裝品牌。Madeline鼓勵大家話︰「只要有恆心和堅持,凡事都有可能。」

圖:facebook@MadelineStuart