為咗走塑救地球,全世界好多超市都諗盡計仔,希望顧客用少啲膠袋,好似香港咁實行「膠袋徵費」,都係其中一種方法。而加拿大一間超市嘅招數就係「攻心為上」,响膠袋印有AV等字樣,令顧客覺得尷尬而減少攞嚟用。

呢啲「羞恥膠袋」由East West超市推出,5分加幣(約3毫子港幣)一個,上面印住「AV電影舖」、「肉疣藥膏批發」等字樣,齋睇都已經覺得老尷,更何況拎住出街?!超市藉此令顧客唔想攞膠袋,達到走塑目的。超市老闆表示,原本剩係向索取膠袋嘅顧客收費,但效果麻麻,於是諗出呢條絕橋應對,佢希望顧客思考吓日常生活習慣,關心環保。

圖:Facebook@East West Market