小編有時早收工會去行吓街市,總見到有檔販將啲賣相唔好但仲食得嘅菜掉咗,真係好嘥。其實啲菜並唔係無得救,發揮吓創意就足以令佢哋「起死回生」,日本有菜農响生得醜樣嘅白蘿蔔包裝印上各款emoji,令啲白蘿蔔即刻變可愛,仲吸引唔少人嚟買添!

呢位菜農平日會收割自己種嘅白蘿蔔拎去賣,不過白蘿蔔總有幾個生得唔靚,例如太過彎曲、有啲部分凸咗出嚟等,畀著以前,菜農會直接掉或者派街坊。但有次菜農嘅朋友見到啲騎呢白蘿蔔,突發奇想話不如响包裝加上emoji。菜農照住做,果然令到啲白蘿蔔「華麗轉身」,個個變到kawaii呢~吸引唔少街坊甚至鄰近地方嘅居民嚟買。而見條橋咁掂,菜農亦諗住响紅蘿蔔包裝都印上emoji促銷,認真有生意頭腦XD

圖:Twitter@辻農園(嫁)